"Manchester Yunayted" Antuan Semenyoni nishonga oldi.
The Telegraph nashrining xabar berishicha, "qizil iblislar" yanvar oyida "Bornmut" qanot vingerini sotib olish uchun barcha sa’y-harakatlarni amalga oshirishni rejalashtirmoqda. Ular "Manchester Siti" bosh murabbiyi Pep Gvardiolaning noaniq kelajagi "shaharliklar" bilan bo‘ladigan kurashda o‘zlariga foyda keltirishiga umid qilishmoqda. Ispaniyalik murabbiy yozda klubni tark etishi mumkinligi haqida xabar berilgan.
Ganalik futbolchiga "Liverpul" va "Tottenxem" ham qiziqish bildirmoqda.
Semenyo yanvar oyining birinchi yarmida 65 million funt sterlingga sotib olinishi mumkin.
