"Inter" bosh murabbiyi Kristian Kivu Italiya Superkubogini yutish imkoniyati haqida gapirdi.
Ruminiyalik mutaxassis tayinlanganidan atigi olti oy o‘tgach, "neradzurrilar" bilan birinchi sovrinini qo‘lga kiritishi mumkin. Jamoa bugun "Bolonya"ga qarshi yarim final o‘yinida maydonga tushadi.
"Turnirda g‘alaba qozonish men uchun hech narsani o‘zgartirmaydi - men obro‘ qozonishni istamayman. Men shunchaki jamoam uchun xursand bo‘laman. "Bolonya" juda kuchli raqib, ular har kimga muammo tug‘dirishga qodir", dedi Kivu matbuot anjumanida.
O‘yin Toshkent vaqti bilan soat 00:00 da boshlanadi.
