"Интер" бош мураббийи Кристиан Киву Италия Суперкубогини ютиш имконияти ҳақида гапирди.
Руминиялик мутахассис тайинланганидан атиги олти ой ўтгач, "нерадзуррилар" билан биринчи совринини қўлга киритиши мумкин. Жамоа бугун "Болонья"га қарши ярим финал ўйинида майдонга тушади.
"Турнирда ғалаба қозониш мен учун ҳеч нарсани ўзгартирмайди - мен обрў қозонишни истамайман. Мен шунчаки жамоам учун хурсанд бўламан. "Болонья" жуда кучли рақиб, улар ҳар кимга муаммо туғдиришга қодир", деди Киву матбуот анжуманида.
Ўйин Тошкент вақти билан соат 00:00 да бошланади.
