"Everton" bosh murabbiyi Devid Moyes joriy mavsum yakuniga qadar "Manchester Siti"dan ijaraga olingan qanot hujumchisi Jek Grilishni jamoada olib qolmoqchi. Bu haqda Football Insider nashri xabar bermoqda.

Manbaga ko‘ra, "irislar" "shaharliklar" bilan uning hozirda 50 mln funt (57 mln yevro) bo‘lgan tovon pulini kamaytirish bo‘yicha kelishib olmoqchi. Ta’kidlanishicha, 30 yoshli hujumchi ham Liverpulda qolishni istamoqda.

Joriy mavsumda Grilish barcha musobaqalarda 17 ta o‘yinda maydonga tushib, 2 ta gol va 4 ta golli uzatmaga mualliflik qildi. Futbolchining "Manchester Siti" bilan amaldagi mehnat shartnomasi 2027 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 25 mln yevroni tashkil etadi.