"Эвертон" бош мураббийи Дэвид Мойес жорий мавсум якунига қадар "Манчестер Сити"дан ижарага олинган қанот ҳужумчиси Жек Грилишни жамоада олиб қолмоқчи. Бу ҳақда Football Insider нашри хабар бермоқда.
Манбага кўра, "ирислар" "шаҳарликлар" билан унинг ҳозирда 50 млн фунт (57 млн евро) бўлган товон пулини камайтириш бўйича келишиб олмоқчи. Таъкидланишича, 30 ёшли ҳужумчи ҳам Ливерпулда қолишни истамоқда.
Жорий мавсумда Грилиш барча мусобақаларда 17 та ўйинда майдонга тушиб, 2 та гол ва 4 та голли узатмага муаллифлик қилди. Футболчининг "Манчестер Сити" билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 25 млн еврони ташкил этади.
