So‘nggi soatlarda "Roma" va Madridning "Atletiko" klubi hujumchisi Jakomo Raspadori o‘rtasida "bo‘rilar" safiga o‘tishi mumkinligi borasida aloqalar kuchaydi. Bu haqda Calciomercato xabar bermoqda.

Manbaga ko‘ra, "matraschilar" dastlab 25 yoshli futbolchini sotishni istamagan, biroq bir necha kun oldin ushbu variantni ko‘rib chiqishni boshlagan. Rim klubi Raspadorini 20 mln yevro evaziga sotib olish huquqi bilan ijaraga olishga tayyor. Ta’kidlanishicha, italiyalik futbolchi "Roma" tomonidan "bo‘rilar" "Manchester Yunayted"dan sotib olmoqchi bo‘lgan hujumchi Joshua Zirkzeega muqobil variant sifatida ko‘rilmayapti.

Raspadori "Atletiko"ga o‘tgan yozda "Napoli"dan ko‘chib o‘tgan edi. Bu vaqt ichida u barcha turnirlarda 13 ta o‘yinda maydonga tushib, 2 ta gol va 2 ta golli uzatmani amalga oshirdi.