Сўнгги соатларда "Рома" ва Мадриднинг "Атлетико" клуби ҳужумчиси Жакомо Распадори ўртасида "бўрилар" сафига ўтиши мумкинлиги борасида алоқалар кучайди. Бу ҳақда Calciomercato хабар бермоқда.
Манбага кўра, "матрасчилар" дастлаб 25 ёшли футболчини сотишни истамаган, бироқ бир неча кун олдин ушбу вариантни кўриб чиқишни бошлаган. Рим клуби Распадорини 20 млн евро эвазига сотиб олиш ҳуқуқи билан ижарага олишга тайёр. Таъкидланишича, италиялик футболчи "Рома" томонидан "бўрилар" "Манчестер Юнайтед"дан сотиб олмоқчи бўлган ҳужумчи Жошуа Зиркзеега муқобил вариант сифатида кўрилмаяпти.
Распадори "Атлетико"га ўтган ёзда "Наполи"дан кўчиб ўтган эди. Бу вақт ичида у барча турнирларда 13 та ўйинда майдонга тушиб, 2 та гол ва 2 та голли узатмани амалга оширди.
