"Liverpul" ustozi Arne Slot Premyer-liga doirasidagi "Tottenxem"ga qarshi safar o‘yini oldidan jamoadagi kadrlar masalasida o‘z fikrlarini bildirib o‘tdi.

"Gakpoda tekshiruv natijalari yaxshi chiqdi, shuning uchun biz endi unchalik tashvishlanmaymiz. U kutilganidan ertaroq qaytishi mumkin, lekin ertaga emas. Jo Gomes ham ertaga tarkibda bo‘lmaydi. Dominik Soboslai kecha birinchi marta mashg‘ulot o‘tkazdi. Ko‘ramiz, u o‘zini qanday his qilarkin," - dedi Slot kechagi matbuot anjumanida.

"Tottenxem" va "Liverpul" o‘rtasidagi uchrashuv 20 dekabr kuni Toshkent vaqti bilan soat 22:30da start oladi.