Braziliyalik himoyachi Tyago Silva Yevropa futboliga qaytishi mumkin, futbolchi "Portu" klubi bilan 2026 yil iyunigacha amal qiladigan shartnoma bo‘yicha faol muzokaralar olib bormoqda. Kelishuv 2027 yilgacha uzaytirish imkoniyatini nazarda tutishi mumkin. Bu haqda taniqli jurnalist va insayder Nikolo Skira o‘zining X ijtimoiy tarmog‘idagi sahifasida ma’lum qildi.
Avvalroq Silva Braziliyaning "Fluminense" klubini erkin agent sifatida tark etgandi. "Fluminense" safida himoyachi 212 ta o‘yinda maydonga tushib, 19 ta gol urgan va jamoa sardori bo‘lgan.
Transfermarkt portali ma’lumotlariga ko‘ra, futbolchining narxi 600 ming yevroni tashkil etadi.
