Бразилиялик ҳимоячи Тьяго Силва Европа футболига қайтиши мумкин, футболчи "Порту" клуби билан 2026 йил июнигача амал қиладиган шартнома бўйича фаол музокаралар олиб бормоқда. Келишув 2027 йилгача узайтириш имкониятини назарда тутиши мумкин. Бу ҳақда таниқли журналист ва инсайдер Николо Скира ўзининг Х ижтимоий тармоғидаги саҳифасида маълум қилди.
Аввалроқ Силва Бразилиянинг "Флуминенсе" клубини эркин агент сифатида тарк этганди. "Флуминенсе" сафида ҳимоячи 212 та ўйинда майдонга тушиб, 19 та гол урган ва жамоа сардори бўлган.
Transfermarkt портали маълумотларига кўра, футболчининг нархи 600 минг еврони ташкил этади.
