"Barselona" bosh murabbiyi Xans-Diter Flik La Liganing "Vilyarreal"ga qarshi o‘yini oldidan jurnalistlar bilan suhbatlashdi.
Germaniyalik murabbiy yomon xabarni yetkazdi: unga ko‘ra, yarim himoyachi Pedri maydonga tusha olmaydi.
"Pedri maydonga tusha olmaydi. Men bundan mamnun emasman, lekin bu futbolning bir qismi. Menimcha, u keyingi o‘yinga - "Espanyol"ga qarshi uchrashuvga tayyor bo‘ladi.
Uning son mushaklarida muammo bor. U o‘ynashi mumkin, ammo xavf yuqori. Biz uni himoya qilishimiz va davolashimiz kerak.
Biz uning sog‘lig‘ini xavf ostiga qo‘ya olmaymiz. Bizga u "Espanyol"ga qarshi o‘yin va Superkubok bahsi uchun kerak", dedi Flik jurnalistlarga.
