Madridning "Real" klubi hujumkor yarim himoyachisi Franko Mastantuono maydonga deyarli tushmay qo‘ydi.

18 yoshli futbolchi shanba kuni "Sevilya"ga qarshi kechgan va 2:0 hisobidagi g‘alaba bilan yakunlangan o‘yinda ham zaxirada qoldirildi. So‘nggi vaqtlarda matbuotda argentinalik futbolchi ijaraga ketishi mumkinligi haqida mish-mishlar tarqalmoqda, ammo futbolchining o‘zi ketmoqchi emas. Marca xabariga ko‘ra, Mastantuono "qaymoqranglilar"ning asosiy tarkibdagi o‘rnini yo‘qotganidan xavotirda emas. Vunderkind murabbiy Xabi Alonsoning ishonchini qaytarish uchun kurashni davom ettirishga bel bog‘lagan.

"Real" joriy yilning yozida Franko Mastantuononi sotib olgan edi. Ispaniyaga ko‘chib o‘tishdan oldin u o‘z vatanida "River Pleyt"da o‘ynagan.