"Liverpul" hujumchisi Ugo Ekitike "Tottenxem"ga qarshi safar o‘yinidan so‘ng (2:1) o‘z fikrlarini bildirib o‘tdi.

"Bu bizning eng yaxshi o‘yinimiz emasdi. O‘yin og‘ir kechdi, ammo biz vaziyatni nazorat qildik. Ikkinchi bo‘lim oxirida qiyin bo‘ldi, chunki ular o‘zlarida kuch topib, gol ura olishdi. Natijani saqlab qoldik va endi uyga g‘alaba bilan qaytyapmiz - bu eng muhimi.

O‘n kishiga qarshi o‘ynash oson emas. Ular uyda o‘ynashdi, muxlislar ularni oldinga borishga chorlashdi, ularda o‘yin boshidagidan ham ko‘proq energiya paydo bo‘ldi. Bu vazifani murakkablashtiradi, shuning uchun har bir to‘p uchun kurashish kerak.

Gol urish hujumchi uchun eng yaxshi hissiyot. Hujumchilarga gollar kerak. Ammo eng muhimi - o‘yin va g‘alaba. Jamoaga maksimal darajada yordam berishga harakat qilyapman," - deya Ekitikening so‘zlarini keltiradi VVS.

"Liverpul" navbatdagi o‘yinini 27 dekabr kuni "Vulverhempton"ga qarshi o‘tkazadi.