"Ливерпуль" ҳужумчиси Уго Экитике "Тоттенхэм"га қарши сафар ўйинидан сўнг (2:1) ўз фикрларини билдириб ўтди.
"Бу бизнинг энг яхши ўйинимиз эмасди. Ўйин оғир кечди, аммо биз вазиятни назорат қилдик. Иккинчи бўлим охирида қийин бўлди, чунки улар ўзларида куч топиб, гол ура олишди. Натижани сақлаб қолдик ва энди уйга ғалаба билан қайтяпмиз - бу энг муҳими.
Ўн кишига қарши ўйнаш осон эмас. Улар уйда ўйнашди, мухлислар уларни олдинга боришга чорлашди, уларда ўйин бошидагидан ҳам кўпроқ энергия пайдо бўлди. Бу вазифани мураккаблаштиради, шунинг учун ҳар бир тўп учун курашиш керак.
Гол уриш ҳужумчи учун энг яхши ҳиссиёт. Ҳужумчиларга голлар керак. Аммо энг муҳими - ўйин ва ғалаба. Жамоага максимал даражада ёрдам беришга ҳаракат қиляпман," - дея Экитикенинг сўзларини келтиради ВВС.
"Ливерпуль" навбатдаги ўйинини 27 декабрь куни "Вулверҳемптон"га қарши ўтказади.
