"Barselona" vingeri Lamin Yamal La Liga 17-turidan o‘rin olgan o‘yinda "Vilyarreal" muxlislariga javob qaytardi.
Kataloniyaliklar safarda 2:0 hisobida g‘alaba qozondi. Yamal 63-daqiqada Frenki de Yongning uzatmasidan keyin gol urdi.
Golni nishonlayotgan Ispaniya terma jamoasining 18 yoshli futbolchisi tribuna oldiga yugurib kelib, futbolkadagi "Barselona" emblemasini ko‘rsatdi va ikki barmog‘ini og‘ziga tiqib, hushtak chaldi. Avvalroq, o‘yin davomida "Vilyarreal" muxlislari Laminga bir necha bor hushtakbozlik qilishgan edi.















