"Барселона" вингери Ламин Ямал Ла Лига 17-туридан ўрин олган ўйинда "Вильярреал" мухлисларига жавоб қайтарди.
Каталонияликлар сафарда 2:0 ҳисобида ғалаба қозонди. Ямал 63-дақиқада Френки де Йонгнинг узатмасидан кейин гол урди.
Голни нишонлаётган Испания терма жамоасининг 18 ёшли футболчиси трибуна олдига югуриб келиб, футболкадаги "Барселона" эмблемасини кўрсатди ва икки бармоғини оғзига тиқиб, ҳуштак чалди. Аввалроқ, ўйин давомида "Вильярреал" мухлислари Ламинга бир неча бор ҳуштакбозлик қилишган эди.















