"Barselona" bosh murabbiyi Xans-Diter Flik La Liga doirasidagi "Vilyarreal"ga (2:0) qarshi o‘yindan so‘ng o‘z fikrlarini bildirib o‘tdi.
Germaniyalik mutaxassis darvozabon Joan Garsiyani e’tirof etdi.
"Joan Garsiya darvozani daxlsiz saqlab, bizni qutqardi. Jamoa charchagan. Himoyada ham bizda variantlar ko‘p emasdi. Men yigitlarim bilan faxrlanaman", - deya Flikning so‘zlarini keltiradi Barca Universal.
"Barselona" La Ligada 2-o‘rindagi "Real"ni 4 ochkoga ortda qoldirib, peshqadamlik qilmoqda. Keyingi o‘yinni Flik jamoasi 3 yanvar kuni "Espanyol"ga qarshi o‘tkazadi.
