"Manchester Yunayted" sardori Brunu Fernandesh "Aston Villa"ga qarshi bahsda jarohat oldi.
Yakshanba kuni bo‘lib o‘tgan Premyer-liga uchrashuvida (1:2) Ruben Amorim yarim himoyachini almashtirishga majbur bo‘ldi. Taxminlarga ko‘ra, Fernandesh kamida bir oy maydonga tusha olmaydi. Bundan avval Fernandesh hech qachon jarohat sabab uzoq vaqtni o‘tkazib yubormagandi.
Brunu Fernandesh "Manchester Yunayted"ga deyarli olti yil oldin, 2020 yilning yanvarida ko‘chib o‘tgan edi. O‘shandan beri xavbek bir necha bor safdan chiqqan, eng uzoq yo‘qotish atigi ikki hafta davom etgan - o‘tgan yilning may oyi boshidan o‘rtalarigacha, o‘shanda futbolchi tizzasidan olgan jarohati tufayli ikkita o‘yinni o‘tkazib yuborgan.
