"Манчестер Юнайтед" сардори Бруну Фернандеш "Астон Вилла"га қарши баҳсда жароҳат олди.

Якшанба куни бўлиб ўтган Премьер-лига учрашувида (1:2) Рубен Аморим ярим ҳимоячини алмаштиришга мажбур бўлди. Тахминларга кўра, Фернандеш камида бир ой майдонга туша олмайди. Бундан аввал Фернандеш ҳеч қачон жароҳат сабаб узоқ вақтни ўтказиб юбормаганди.

Бруну Фернандеш "Манчестер Юнайтед"га деярли олти йил олдин, 2020 йилнинг январида кўчиб ўтган эди. Ўшандан бери хавбек бир неча бор сафдан чиққан, энг узоқ йўқотиш атиги икки ҳафта давом этган - ўтган йилнинг май ойи бошидан ўрталаригача, ўшанда футболчи тиззасидан олган жароҳати туфайли иккита ўйинни ўтказиб юборган.