"Liverpul"ning afsonaviy sobiq sardori Stiven Jerrard jamoa bosh murabbiyi Arne Slot haqidagi savolga javob berdi.

"Qizillar" joriy mavsumning birinchi qismini yaxshi o‘tkazmadi, ammo so‘nggi paytlarda natijalar yaxshilandi - uchta o‘yinda uchta g‘alaba.

"Men Slotning ishini yo‘qotishini xohlamayman. Umid qilamanki, u vaziyatni o‘nglaydi, hammasini yaxshi tomonga o‘zgartiradi va "Liverpul"ni buyuk qiladi. Yarim yil oldin, jamoa chempionlikni qo‘lga kiritganida, butun shahar bo‘ylab yugurgandim," - deya Jerrardning so‘zlarini keltiradi ingliz OAV.

Mersisaydliklar Premyer-liga 17-turidan keyin 29 ochko bilan musobaqa jadvalida beshinchi o‘rinda bormoqda. 27 dekabr kuni Arne Slot jamoasi o‘z uyida "Vulverxempton"ni qabul qiladi.