"Ливерпуль"нинг афсонавий собиқ сардори Стивен Жеррард жамоа бош мураббийи Арне Слот ҳақидаги саволга жавоб берди.
"Қизиллар" жорий мавсумнинг биринчи қисмини яхши ўтказмади, аммо сўнгги пайтларда натижалар яхшиланди - учта ўйинда учта ғалаба.
"Мен Слотнинг ишини йўқотишини хоҳламайман. Умид қиламанки, у вазиятни ўнглайди, ҳаммасини яхши томонга ўзгартиради ва "Ливерпуль"ни буюк қилади. Ярим йил олдин, жамоа чемпионликни қўлга киритганида, бутун шаҳар бўйлаб югургандим," - дея Жеррарднинг сўзларини келтиради инглиз ОАВ.
Мерсисайдликлар Премьер-лига 17-туридан кейин 29 очко билан мусобақа жадвалида бешинчи ўринда бормоқда. 27 декабрь куни Арне Слот жамоаси ўз уйида "Вулверхэмптон"ни қабул қилади.
