"Aston Villa" bosh murabbiyi Unai Emeri APL doirasidagi "Manchester Yunayted"ga qarshi o‘yindan so‘ng jamoaning joriy mavsumdagi imkoniyatlariga baho berdi.
- Imkoniyat va salohiyatimizni real baholash kerak. "Arsenal" va "Manchester Siti" kabi jamoalarga qarshi o‘ynadik - to‘g‘ri, ularni o‘z uyimizda mag‘lub etdik, ammo ularda juda katta taktik daraja va eng yuqori darajadagi o‘yinchilar bor. Bizda ham sifat bor, lekin ular bilan tengma-teng unvonga da’vogar bo‘lish haqiqatga to‘g‘ri kelmaydi. Biz da’vogar emasmiz. Futbolchilar har bir o‘yinga, biz qurishga harakat qilayotgan narsalarga to‘liq e’tibor qaratishadi va barqaror harakat qilishadi. Taxminan uch yildan beri biz darajani ushlab turibmiz," - dedi Emeri.
