"Астон Вилла" бош мураббийи Унаи Эмери АПЛ доирасидаги "Манчестер Юнайтед"га қарши ўйиндан сўнг жамоанинг жорий мавсумдаги имкониятларига баҳо берди.
- Имконият ва салоҳиятимизни реал баҳолаш керак. "Арсенал" ва "Манчестер Сити" каби жамоаларга қарши ўйнадик - тўғри, уларни ўз уйимизда мағлуб этдик, аммо уларда жуда катта тактик даража ва энг юқори даражадаги ўйинчилар бор. Бизда ҳам сифат бор, лекин улар билан тенгма-тенг унвонга даъвогар бўлиш ҳақиқатга тўғри келмайди. Биз даъвогар эмасмиз. Футболчилар ҳар бир ўйинга, биз қуришга ҳаракат қилаётган нарсаларга тўлиқ эътибор қаратишади ва барқарор ҳаракат қилишади. Тахминан уч йилдан бери биз даражани ушлаб турибмиз," - деди Эмери.
