"Barselona" yilni safarda "Vilyarreal" ustidan qozonilgan g‘alaba bilan yakunladi (2:0). "Ko‘k-anorranglilar" hisobida 2025 yilda barcha turnirlarda jami 169 ta gol bor - bundan bor-yo‘g‘i to‘rt marta ko‘proq gol urilgan, to‘rttasi ham "Messi davri"da qayd etilgan, deb xabar beradi Opta. Rekord ko‘rsatkich 2015 yilda qayd etilgan - 180 ta gol. 2012 yilda jamoa 175 ta, 2016 yilda 174 ta, 2011 yilda 170 ta gol urishga muvaffaq bo‘ldi.
Eslatib o‘tamiz, Lionel Messi 2021 yilning yozida Kataloniya klubi safini tark etib, erkin agent sifatida "PSJ"ga o‘tgan edi. Ayni paytda argentinalik futbolchi "Inter Mayami" sharafini himoya qilmoqda.
"Barselona" La Liganing joriy mavsumida 46 ochko bilan peshqadamlik qilmoqda. Chempionatning 18 o‘yinida Xans-Diter Flik jamoasi raqiblar darvozasini 51 marta ishg‘ol qildi - eng yaqin ta’qibchisi bo‘lgan "Real"dan 15 ta ko‘p gol urdi.
