"Napoli" bosh murabbiyi Antonio Konte Italiya Superkubogi finalida "Bolonya"ga qarshi kechgan o‘yinni sarhisob qilib, ushbu sovrin jamoa va muxlislar uchun muhim ekanini ta’kidladi.
- Futbolchilarni ushbu musobaqani muvaffaqiyatli o‘tkazgani bilan tabriklayman. Biz bu sovrinni o‘zimiz va muxlislarimiz uchun sovg‘a qilishga, shu bilan birga ularni Rojdestvo bilan tabriklashga harakat qildik. Bu bayramni kubok bilan kutib olish o‘ziga xos tuyg‘u. Avvalroq Skudettoni qo‘lga kiritgan edik, endi esa bir qator juda kuchli raqiblarni mag‘lub etib, Superkubokni yutib oldik," - dedi Konte o‘yindan so‘ng.
Eslatib o‘tamiz, "Napoli" finalda "Bolonya" darvozasiga javobsiz 2 ta gol urdi.
