"Наполи" бош мураббийи Антонио Конте Италия Суперкубоги финалида "Болонья"га қарши кечган ўйинни сарҳисоб қилиб, ушбу соврин жамоа ва мухлислар учун муҳим эканини таъкидлади.
- Футболчиларни ушбу мусобақани муваффақиятли ўтказгани билан табриклайман. Биз бу совринни ўзимиз ва мухлисларимиз учун совға қилишга, шу билан бирга уларни Рождество билан табриклашга ҳаракат қилдик. Бу байрамни кубок билан кутиб олиш ўзига хос туйғу. Аввалроқ Скудеттони қўлга киритган эдик, энди эса бир қатор жуда кучли рақибларни мағлуб этиб, Суперкубокни ютиб олдик," - деди Конте ўйиндан сўнг.
Эслатиб ўтамиз, "Наполи" финалда "Болонья" дарвозасига жавобсиз 2 та гол урди.
