"Liverpul" forvardi Aleksandr Isak jarohati sabab uzoq muddatga safdan chiqdi. Shu munosabat bilan mersisaydliklar rahbariyati shvesiyalik futbolchiga o‘rinbosar olishni rejalashtirmoqda.
The Telegraph jurnalistlariga ma’lum bo‘lishicha, "qizillar" o‘z safiga "Bornmut" forvardi Antuan Semenyoni qo‘shib oladi. 25 yoshli ganalik bila shaxsiy shartnoma shartlari kelishib olindi. Potensial bitim summasi 75 million yevroga baholanmoqda. Bitim qishki transfer oynasida rasmiylashtiriladi.
Joriy mavsumda Antuan 17 ta o‘yinda ishtirok etib, 8 ta gol va 3 ta golli uzatmani o‘z hisobiga yozdirib qo‘ydi. Hujumchining hozirgi klubi bilan mehnat shartnomasi 2030 yilning yozida o‘z nihoyasiga yetadi.
