"Manchester Yunayted" klubi "Bornmut" yarim himoyachisi Aleks Skottni o‘z safiga qo‘shib olmoqchi, deya xabar bermoqda The Sun.
Manbaga ko‘ra, "MYU" bosh murabbiyi Ruben Amorim 2026 yilning yozida ikkita yangi markaziy yarim himoyachi olishni istamoqda. 22 yoshli angliyalik Skott o‘z jamoasining asosiy futbolchisi hisoblanadi va yaqinda Angliya terma jamoasiga ilk bor chaqiruv oldi.
2025/26 yilgi mavsumda Skott barcha turnirlarda 18 ta o‘yinda maydonga tushib, 1 ta gol urgan. Uning "Bornmut" bilan shartnomasi 2028 yilning 30 iyuniga qadar imzolangan. U bu jamoaga 2023 yilda "Bristol Siti"dan ko‘chib o‘tgan.
Transfermarkt portali futbolchining transfer qiymatini 30 million yevroga baholagan.













