"Манчестер Юнайтед" клуби "Борнмут" ярим ҳимоячиси Алекс Скоттни ўз сафига қўшиб олмоқчи, дея хабар бермоқда The Sun.
Манбага кўра, "МЮ" бош мураббийи Рубен Аморим 2026 йилнинг ёзида иккита янги марказий ярим ҳимоячи олишни истамоқда. 22 ёшли англиялик Скотт ўз жамоасининг асосий футболчиси ҳисобланади ва яқинда Англия терма жамоасига илк бор чақирув олди.
2025/26 йилги мавсумда Скотт барча турнирларда 18 та ўйинда майдонга тушиб, 1 та гол урган. Унинг "Борнмут" билан шартномаси 2028 йилнинг 30 июнига қадар имзоланган. У бу жамоага 2023 йилда "Бристол Сити"дан кўчиб ўтган.
Transfermarkt портали футболчининг трансфер қийматини 30 миллион еврога баҳолаган.
