Himoyachi Romen Saiss jarohat olgan Ashraf Hakimiy o‘rniga Marokash terma jamoasining yangi sardoriga aylandi, ammo uning omadi kelmadi. Komor orollariga qarshi o‘yin boshlanganidan atigi o‘n besh daqiqa o‘tgach, u almashtirishni so‘radi va to‘piqlaridan birida kuchli og‘riq tufayli maydonni tark etdi. Sheriklarining 2:0 hisobidagi g‘alabasini u kiyinish xonasidan turib kuzatdi.
Qizig‘i shundaki, o‘tgan safar Qatarda bo‘lib o‘tgan jahon chempionatida ham 35 yoshli Saiss yarim final o‘yinida jarohat olib, birinchi bo‘limdayoq maydonni tark etgandi. Ammo uning jamoasi o‘shanda fransuzlarga yutqazgandi.
