Ҳимоячи Ромен Саисс жароҳат олган Ашраф Ҳакимий ўрнига Марокаш терма жамоасининг янги сардорига айланди, аммо унинг омади келмади. Комор оролларига қарши ўйин бошланганидан атиги ўн беш дақиқа ўтгач, у алмаштиришни сўради ва тўпиқларидан бирида кучли оғриқ туфайли майдонни тарк этди. Шерикларининг 2:0 ҳисобидаги ғалабасини у кийиниш хонасидан туриб кузатди.
Қизиғи шундаки, ўтган сафар Қатарда бўлиб ўтган жаҳон чемпионатида ҳам 35 ёшли Саисс ярим финал ўйинида жароҳат олиб, биринчи бўлимдаёқ майдонни тарк этганди. Аммо унинг жамоаси ўшанда французларга ютқазганди.
