"Barselona" yarim himoyachisi Pedri o‘zi uchun o‘ta omadsiz bo‘lgan "el-klasiko"ni esladi.
"Ko‘k-anorranglilar"ning Madridning "Real" klubi bilan uchrashuvi oktyabr oyi oxirida bo‘lib o‘tdi va "Santyago Bernabeu"da kataloniyaliklarning 1:2 hisobidagi mag‘lubiyati bilan yakunlandi. O‘yin oxirida Pedri qizil kartochka oldi va unda jiddiy jarohat ham aniqlandi.
"Real" bilan o‘sha o‘yin men uchun har tomonlama dahshatli tush bo‘ldi: biz mag‘lub bo‘ldik, faoliyatimdagi ilk qizil kartochkani oldim va jarohat oldim. O‘sha jarohat jiddiy salbiy ta’sir ko‘rsatdi," - deya 23 yoshli futbolchining so‘zlarini keltiradi Mundo Deportivo.
Yil "Barselona" uchun muvaffaqiyatli yakunlandi: Xans-Diter Flik jamoasi ketma-ket g‘alabalarga erishib, "Real"ni 4 ochkoga ortda qoldirib, turnir jadvalida birinchi o‘ringa qaytdi.
