"Manchester Yunayted" "Old Trafford"dagi tomdan sizib chiqayotgan suvlarni bartaraf etmoqchi.

Daily Mail xabariga ko‘ra, yozda "MYU" uy stadionida ta’mirlash ishlarini olib borishni rejalashtirmoqda. Drenaj tizimini yangilash ustuvor vazifa bo‘lib, bu tarnovlarning tiqilib qolishi va tomda suv ushlanib qolishining oldini oladi.

Bundan tashqari, "Old Trafford"da UYEFAning yangi qoidalariga moslashtirish uchun maydonni kapital ta’mirlash va zaxira o‘rindiqlarini yangilash rejalashtirilgan.

Qayd etilishicha, "MYU" hali ham 100 ming tomoshabinga mo‘ljallangan yangi stadion qurishni rejalashtirmoqda, ammo klub rahbariyati mavjud arena hali ham barcha standartlarga javob berishiga ishonch hosil qilmoqchi.