"Манчестер Юнайтед" "Олд Траффорд"даги томдан сизиб чиқаётган сувларни бартараф этмоқчи.
Daily Mail хабарига кўра, ёзда "МЮ" уй стадионида таъмирлаш ишларини олиб боришни режалаштирмоқда. Дренаж тизимини янгилаш устувор вазифа бўлиб, бу тарновларнинг тиқилиб қолиши ва томда сув ушланиб қолишининг олдини олади.
Бундан ташқари, "Олд Траффорд"да УЕФАнинг янги қоидаларига мослаштириш учун майдонни капитал таъмирлаш ва захира ўриндиқларини янгилаш режалаштирилган.
Қайд этилишича, "МЮ" ҳали ҳам 100 минг томошабинга мўлжалланган янги стадион қуришни режалаштирмоқда, аммо клуб раҳбарияти мавжуд арена ҳали ҳам барча стандартларга жавоб беришига ишонч ҳосил қилмоқчи.
