Dortmundning "Borussiya" klubi qanot hujumchisi Karim Adeyemi "Liverpul"ga o‘tishi mumkin. Bu haqda jurnalist Patrik Berger ma’lum qildi.

Manbaga ko‘ra, tomonlar dastlabki muzokaralarni o‘tkazgan. Qayd etilishicha, "Borussiya" Adeyemining 23 million yevrolik transferini ko‘rib chiqishga tayyor.

Manbaning ta’kidlashicha, mersisaydliklar Adeyemini hali asosiy tarkib futbolchisi sifatida ko‘rmayapti. Birinchi navbatda, klub hujumda turli variantlarga ega bo‘lish uchun zaxirani kuchaytirmoqchi.

Adeyemi joriy mavsumda barcha musobaqalarni qo‘shib hisoblaganda 22 ta uchrashuvda maydonga tushib, 6 marta raqiblar darvozasini ishg‘ol qildi va 3 ta golli uzatmani amalga oshirdi.