Дортмунднинг "Боруссия" клуби қанот ҳужумчиси Карим Адейеми "Ливерпуль"га ўтиши мумкин. Бу ҳақда журналист Патрик Бергер маълум қилди.
Манбага кўра, томонлар дастлабки музокараларни ўтказган. Қайд этилишича, "Боруссия" Адейемининг 23 миллион евролик трансферини кўриб чиқишга тайёр.
Манбанинг таъкидлашича, мерсисайдликлар Адейемини ҳали асосий таркиб футболчиси сифатида кўрмаяпти. Биринчи навбатда, клуб ҳужумда турли вариантларга эга бўлиш учун захирани кучайтирмоқчи.
Адейеми жорий мавсумда барча мусобақаларни қўшиб ҳисоблаганда 22 та учрашувда майдонга тушиб, 6 марта рақиблар дарвозасини ишғол қилди ва 3 та голли узатмани амалга оширди.
