"Chelsi" sardori Ris Jeyms jamoaning bosh murabbiy Enso Mareski qo‘l ostidagi taraqqiyoti haqida fikr bildirdi.
"O‘ylaymanki, o‘tgan mavsumdagi yutuqlar o‘z-o‘zidan gapiradi va biz qanchalik oldinga siljiganimizni, nimaga intilayotganimizni ko‘rsatadi. O‘ylaymanki, vaqt o‘tishi bilan biz faqat yaxshiroq va kuchliroq bo‘lamiz," - deya Ris Jeymsning so‘zlarini keltiradi "ko‘klar" matbuot xizmati.
Ayni paytda "Chelsi" Premyer-liga turnir jadvalida to‘rtinchi o‘rinni egallab turibdi - londonliklar o‘tgan mavsumda ham shu pog‘onani band etishgandi. May oyida Mareska jamoasi Konferensiyalar ligasi g‘olibi bo‘ldi va iyul oyida klublar o‘rtasidagi jahon chempionatida g‘olib chiqdi.
