"Manchester Yunayted" juma kuni Premyer-liga doirasida "Nyukasl" ustidan minimal hisobda g‘alaba qozondi (1:0). Ruben Amorim jamoasi 24-daqiqada Patrik Dorguning goli evaziga 3 ochkoni qo‘lga kiritdi.
E’tiborlisi, "qizil iblislar" bor-yo‘g‘i 33,4 foiz vaqt davomida to‘pga egalik qilishdi - bu jamoaning 2023 yil yanvaridan buyon APL doirasidagi antirekordi ("Manchester Siti" bilan bahsda 29,4 foiz), deya xabar beradi BBC. "Qarg‘alar" esa, aksincha, bir o‘yindagi paslar soni bo‘yicha (621) mavsumdagi o‘z rekordini o‘rnatdi.
"Manchester Yunayted" chempionat turnir jadvalida beshinchi o‘ringa ko‘tarildi, "Nyukasl" 11-pog‘onaga joylashgan.













