"Liverpul"ning sobiq himoyachisi Jeymi Karrager "Manchester Yunayted"ning Premyer-liganing joriy mavsumidagi imkoniyatlarini baholadi.
O‘tgan mavsumda Ruben Amorim jamoasi 15-o‘rinni egallab, yevrokuboklardan quruq qolgandi.
"Ular to‘rtinchi o‘rinni egallaydi, deb o‘ylamayman, ammo yevrokuboklarga chiqishlari kerak. O‘tgan mavsum muvaffaqiyatsizlikka uchraganidan keyin planka juda pasaytirilgan. Yozda klub transferlar uchun katta mablag‘ sarfladi. Ular hozir [jadvalda] turgan joylarida bo‘lishlari va yevrokuboklarga da’vogarlik qilishlari kerak, ammo Chempionlar Ligasiga chiqish juda qiyin vazifa," - deya Karragerning so‘zlarini keltiradi United Stand.
