"Manchester Yunayted" bosh murabbiyi Ruben Amorim "Nyukasl"ga qarshi o‘yinning tanaffusida Meyson Mauntni nima uchun almashtirganini tushuntirdi.
Angliyalik yarim himoyachi "qizil iblislar" safida maydonga tushdi, ammo ikkinchi bo‘lim boshlanishidan oldin uning o‘rnini 18 yoshli Jek Fletcher egalladi.
"Maunt birinchi bo‘limda o‘zini noqulay his qildi. U ikkinchi bo‘limda o‘ynashni xohladi, ammo biz hozirgi vaziyatda o‘yinchilarni yo‘qotmasligimiz kerak", dedi Amorim.













