"Манчестер Юнайтед" бош мураббийи Рубен Аморим "Ньюкасл"га қарши ўйиннинг танаффусида Мэйсон Маунтни нима учун алмаштирганини тушунтирди.
Англиялик ярим ҳимоячи "қизил иблислар" сафида майдонга тушди, аммо иккинчи бўлим бошланишидан олдин унинг ўрнини 18 ёшли Жек Флетчер эгаллади.
"Маунт биринчи бўлимда ўзини ноқулай ҳис қилди. У иккинчи бўлимда ўйнашни хоҳлади, аммо биз ҳозирги вазиятда ўйинчиларни йўқотмаслигимиз керак", деди Аморим.













