"Barselona"dagilarning fikricha, "Manchester Siti" himoyachisi Natan Akening profili "Chelsi" futbolchisi Aksel Disasi variantidan ko‘ra Hans-Diter Flik jamoasiga ko‘proq mos keladi. Bu haqda Sport.es xabar bermoqda.
Manbaga ko‘ra, niderlandiyalik futbolchi "ko‘k-anorranglilar" safiga o‘tish imkoniyatiga optimizm bilan qaramoqda. Biroq, bu kelishuv "shaharliklar"ning Akeni to‘liq transfer qilish yoki uni boshqa transferning bir qismiga aylantirish istagi bilan murakkablashadi, "blaugrana" esa sotib olish huquqini nazarda tutuvchi ijara variantini ko‘rib chiqmoqda.
Ake 2020 yilning yozidan beri "shaharliklar" safida o‘ynamoqda. Joriy mavsumda u barcha musobaqalarda 13 ta o‘yinda maydonga tushdi va ularda gol ura olmadi. Futbolchining klub bilan mehnat shartnomasi 2027 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 18 mln yevroni tashkil etadi.
