"Барселона"дагиларнинг фикрича, "Манчестер Сити" ҳимоячиси Натан Акенинг профили "Челси" футболчиси Аксель Дисаси вариантидан кўра Ҳанс-Дитер Флик жамоасига кўпроқ мос келади. Бу ҳақда Sport.es хабар бермоқда.
Манбага кўра, нидерландиялик футболчи "кўк-анорранглилар" сафига ўтиш имкониятига оптимизм билан қарамоқда. Бироқ, бу келишув "шаҳарликлар"нинг Акени тўлиқ трансфер қилиш ёки уни бошқа трансфернинг бир қисмига айлантириш истаги билан мураккаблашади, "блауграна" эса сотиб олиш ҳуқуқини назарда тутувчи ижара вариантини кўриб чиқмоқда.
Аке 2020 йилнинг ёзидан бери "шаҳарликлар" сафида ўйнамоқда. Жорий мавсумда у барча мусобақаларда 13 та ўйинда майдонга тушди ва уларда гол ура олмади. Футболчининг клуб билан меҳнат шартномаси 2027 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 18 млн еврони ташкил этади.
