Yangi mavsum oldidan Neftchi» o‘z oldiga yuksak va mas’uliyatli maqsadlarni qo‘ymoqda. Oldinda — mamlakat chempionligini munosib himoya qilish, O‘zbekiston Kubogini qo‘lga kiritish hamda Osiyo Elit Chempionlar Ligasida yurtimiz sharafini munosib himoya qilishdek muhim vazifalar turibdi.

Ushbu maqsadlarni amalga oshirish yo‘lida Neftchi»ga yosh, zamonaviy futbol qarashlariga ega, taktik jihatdan puxta mutaxassis Islombek Ismoilov bosh murabbiy sifatida tanishtirildi.

Yangi mavsumda bosh murabbiyga quyidagi tajribali va malakali murabbiylar yordam beradi:

Yurgen Gede — yordamchi murabbiy.

Yevropa futbol maktabiga mansub mutaxassis, o‘zining intizomi va zamonaviy yondashuvi bilan mashhur.

Antonio Sarioglu — jismoniy tayyorgarlik bo‘yicha murabbiy.

Futbolchilarning jismoniy holatini yuqori darajada ushlab turish va mavsum davomida barqarorlikni ta’minlash uchun mas’ul.

Vitaliy Galat — darvozabonlar murabbiyi.

Darvozabonlar bilan individual va tizimli ishlash bo‘yicha katta tajribaga ega mutaxassis.

Fasundo Stik — taktik va tahliliy yo‘nalishdagi murabbiy.

Zamonaviy futbol tendensiyalari, o‘yin tahlili va raqiblarni o‘rganish bo‘yicha jamoa shtabiga muhim hissa qo‘shadi.

«Neftchi» PFK matbuot xizmati