"Yuventus" Italiya chempionatining 17-turida safarda "Piza"ni mag‘lub etdi - 2:0.
Mehmonlar safida turkiyalik yarim himoyachi Kenan Yildiz (90+2-daqiqa) o‘z hisobiga gol yozdirib qo‘ydi. 73-daqiqada "Piza"ning italiyalik himoyachisi Arturo Kalabrezi to‘pni o‘z darvozasiga joylab qo‘ydi.
"Yuventus" barcha turnirlarda qatorasiga to‘rtinchi g‘alabani qo‘lga kiritdi. "Piza" 6 o‘yindan iborat g‘alabasiz seriyaga ega.
17 o‘yindan keyin 32 ochko to‘plagan "Yuventus" Italiya chempionati turnir jadvalida uchinchi o‘rinda bormoqda. "Piza" (17 o‘yindan keyin 11 ochko) 19-pog‘onadan joy olgan.
Keyingi turda "Yuventus" 3 yanvar kuni "Lechche"ni qabul qiladi, "Piza" esa shu kuni "Jenoa" mehmoni bo‘ladi.
Piza - Yuventus - 0:2
Gollar: Kalabrezi, 73 - avtogol (0:1). Kenan Yildiz, 90+2 (0:2)
Piza: Shemper, Kanestrelli, Kalabrezi (Buffon, 84), Karachcholo, Leris (Lorran, 78), Ebisher (Marin, 79), Vural (Bonfanti, 65), Angori (Xeyxolt, 65), Ture, Tramoni, Moreo
Yuventus: Di Gregorio, Bremer, Kelli, Kalyulyu, Lokatelli (Jegrova, 60), Tyuram, Kambyaso (Kostich, 86), Makkenni, Kopmeyners (Miretti, 86), Kenan Yildiz (Joao Mariu, 90+4), Openda (David, 60)
Ogohlantirishlar: Angori, 6. Vural, 52. Karachcholo, 76. Tramoni, 86 - Lokatelli, 53
