"Volfsburg" yarim himoyachisi Kristian Eriksen Tomas Frankning "Tottenxem"dagi faoliyati haqida gapirdi.

Daniyalik murabbiy o‘tgan yozda iste’foga chiqarilgan Ange Postekoglu o‘rniga "shporlar" boshqaruviga kelgandi. So‘nggi paytlarda londonliklar unchalik ishonchli natijalar ko‘rsatmayapti, shuning uchun murabbiy tez-tez tanqid qilinmoqda.

"Muxlislar futboldan zavq olishni xohlashadi, bu esa qo‘shimcha bosim yaratadi. Gap nafaqat g‘alabalarda, balki o‘yin uslubida ham. Tomas hammasini tahlil qilib, optimal yechimni topishga harakat qiladi. Ko‘pincha aynan himoyaviy jamoalar ko‘proq sovrin yutadi, ammo "Tottenxem"ni bunday deb bo‘lmaydi," - deya Eriksenning so‘zlarini keltiradi Times Sport.

Kristian Eriksen 2013 yildan 2020 yilgacha "shporlar" safida o‘ynagan va 2022 yilda "Brentford"da hamyurti Frank bilan birga ishlagan.