"An-Nasr" forvardi Krishtianu Ronaldu jamoaning navbatdagi ishonchli g‘alabasidan so‘ng chempionatdagi hozirgi holati haqida fikr bildirdi.

11-tur doirasidagi bahsda Ar-Riyod klubi "Al-Ohdud"ni 3:0 hisobida mag‘lub etgan bo‘lsa, portugaliyalikning o‘zi dubl qayd etdi. O‘tkazilgan 10 ta uchrashuvdan so‘ng "An-Nasr" ochkolarini 30 taga yetkazib oldi va musobaqa jadvalida yakka peshqadam bo‘lib turibdi. Ronalduning ta’kidlashicha, jamoa to‘g‘ri yo‘nalishda harakat qilmoqda, biroq bo‘shashishga hali erta. Uning so‘zlariga ko‘ra, oldinda uzoq mavsum turibdi va hozirgi muvaffaqiyatlar yakuniy natijani kafolatlamaydi.

"Shu zaylda davom etishimiz kerak. Hech kim mavsum o‘rtasida chempion bo‘lmaydi. Biz oldinga intilishda davom etishimiz kerak," - deya futbolchining so‘zlarini keltiradi A Bola.

G‘alabadan olgan ijobiy hissiyotlariga qaramay, Ronaldu keyingi o‘yinga tayyorgarlik ertasi kuniyoq boshlanishini aytdi.