"Ан-Наср" форварди Криштиану Роналду жамоанинг навбатдаги ишончли ғалабасидан сўнг чемпионатдаги ҳозирги ҳолати ҳақида фикр билдирди.
11-тур доирасидаги баҳсда Ар-Риёд клуби "Ал-Оҳдуд"ни 3:0 ҳисобида мағлуб этган бўлса, португалияликнинг ўзи дубль қайд этди. Ўтказилган 10 та учрашувдан сўнг "Ан-Наср" очколарини 30 тага етказиб олди ва мусобақа жадвалида якка пешқадам бўлиб турибди. Роналдунинг таъкидлашича, жамоа тўғри йўналишда ҳаракат қилмоқда, бироқ бўшашишга ҳали эрта. Унинг сўзларига кўра, олдинда узоқ мавсум турибди ва ҳозирги муваффақиятлар якуний натижани кафолатламайди.
"Шу зайлда давом этишимиз керак. Ҳеч ким мавсум ўртасида чемпион бўлмайди. Биз олдинга интилишда давом этишимиз керак," - дея футболчининг сўзларини келтиради A Bola.
Ғалабадан олган ижобий ҳиссиётларига қарамай, Роналду кейинги ўйинга тайёргарлик эртаси куниёқ бошланишини айтди.
