Enso Mareska katta ehtimol bilan Londonning "Chelsi" klubi bosh murabbiyligidan ketadi. Bu haqda nufuzli insayder Fabrisio Romano xabar berdi.

Manbaga ko‘ra, Mareska katta ehtimol bilan 30 dekabr kuni "Chelsi" ustozi sifatidagi so‘nggi o‘yinini o‘tkazadi. Ingliz grandi Xabi Alonsoning "Real"dagi holatini diqqat bilan kuzatib bormoqda va agar imkoniyat bo‘lsa, ispaniyalik mutaxassisni taklif qilishga tayyor. Aytishlaricha, "Real"da Alonsoga tayyor o‘rinbosar bor. Murabbiylar almashinuvi yaqin orada sodir bo‘lishi mumkin.

Avvalroq, "Chelsi" o‘z maydonida "Aston Villa"ga mag‘lub bo‘lgandi. Premyer-liganing 18-turidan o‘rin olgan uchrashuv 1:2 hisobida yakunlandi.

Ayni damda "ko‘klar" 29 ochko bilan musobaqa jadvalida beshinchi o‘rinda bormoqda.