Энцо Мареска катта эҳтимол билан Лондоннинг "Челси" клуби бош мураббийлигидан кетади. Бу ҳақда нуфузли инсайдер Фабрицио Романо хабар берди.
Манбага кўра, Мареска катта эҳтимол билан 30 декабрь куни "Челси" устози сифатидаги сўнгги ўйинини ўтказади. Инглиз гранди Хаби Алонсонинг "Реал"даги ҳолатини диққат билан кузатиб бормоқда ва агар имконият бўлса, испаниялик мутахассисни таклиф қилишга тайёр. Айтишларича, "Реал"да Алонсога тайёр ўринбосар бор. Мураббийлар алмашинуви яқин орада содир бўлиши мумкин.
Аввалроқ, "Челси" ўз майдонида "Астон Вилла"га мағлуб бўлганди. Премьер-лиганинг 18-туридан ўрин олган учрашув 1:2 ҳисобида якунланди.
Айни дамда "кўклар" 29 очко билан мусобақа жадвалида бешинчи ўринда бормоқда.













